Óskar Steinn Jónínuson Ómarsson hefur afhent Hafnarfjarðarbæ formlega tilkynningu um fyrirhugaða undirskriftasöfnun um að sala bæjarins á hlut sínum í HS Veitum fari í íbúakosningu.
Þetta er fyrsta formlega skrefið í ferli sem kveðið er á um í sveitarstjórnarlögum um að 20% íbúa sveitarfélags geti krafist íbúakosningar um mál.
Nú þarf bærinn að taka afstöðu til tilkynningarinnar og eftir það á undirskriftasöfnunin að geta hafist.
Segist Óskar vonast, að með samstöðuna að vopni, takist að stöðva þessi áform meirihluta bæjarstjórnar Hafnarfjarðar um að einkavæða hlut sinn í þessu mikilvæga fyrirtæki, sem HS Veitur eru.
