Birgir Jóhannsson sem undanfarin ár hefur verið framkvæmdastjóri knattspyrnudeildar FH hefur verið ráðinn framkvæmdastjóri samtakanna Íslenskur toppfótbolti og tekur við starfinu um miðjan janúar.
Birgir hefur setið í sjórn samtakanna en ÍTF eru hagsmunasamtök þeirra félaga sem reka lið í efstu deildum karla og kvenna í knattspyrnu og var stofnað 2011 og eru aðildarfélögin 24.
Framkvæmdastjóri hefur m.a. umsjón með daglegum rekstri ÍTF, sinnir markaðsstarfi, áætlana – og samningagerð vegna sjónvarps- og markaðsréttinda og er í samskiptum við hagsmunaaðila, s.s. aðildarfélög, KSÍ, fjölmiðla og aðra samstarfsaðila.
