Nokkuð umrót hefur verið í stjórn Markaðsstofu Hafnarfjarðar og í framhaldi af því sagði varaformaðurinn af sér í byrjun árs 2019 og framkvæmdastjórinn fór í frí um tíma. Framkvæmdastjórinn sagði svo starfi sínu lausu sl. haust og núverandi stjórn hefur verið að fara yfir áherslur í starfinu sem miða að því að einfalda starfið og leggja áherslu á færri þætti en áður.
Markaðsstofa Hafnarfjarðar auglýsir nú eftir öflugum starfsmanni í 50% starf framkvæmdarstjóra.
Helstu verkefni
- Vinna við stefnumótun og eftirfylgni með henni
- Stýring og þátttaka í markaðs- og samstarfsverkefnum sem miða að því að efla atvinnulíf í Hafnarfirði
- Fjármögnun á starfsemi MsH
- Yfirumsjón með heimasíðu og samfélagsmiðlum
- Skipulagning viðburða
- Gerð árlegrar rekstrar- og starfsáætlunar
- Umsjón með daglegum rekstri, samskipti við aðildarfyrirtæki, hagsmunaaðila og Hafnarfjarðarbæ
Menntun og færni
- Háskólapróf sem nýtist í starfi
- Reynsla af kynningar og markaðsmálum
- Reynsla af stefnumótun og verkefnastjórn sambærilegra verkefna kostur
- Góð þekking á íslensku atvinnulífi og rekstrarumhverfi fyrirtækja kostur
- Þekking og reynsla af stjórnsýslu á sveitarstjórnarstigi kostur
- Reynsla af sambærilegum rekstri kostur
- Góð þekking og reynsla af stafrænni markaðssetningu og miðlun
- Frumkvæði og sjálfstæð vinnubrögð
- Skapandi og lausnamiðuð nálgun
- Framúrskarandi hæfileikar í mannlegum samskiptum
- Geta til að vinna undir álagi og að mörgum verkefnum. á sama tíma
- Góð kunnátta í íslensku og ensku bæði í ræðu og riti
Umsóknarfrestur til 2. febrúar og skal starfsferilsskrá og kynningarbréf sem greinir frá reynslu, menntun og fyrri störfum fylgja með umsókn sem skal sendast á stjorn@msh.is.
