Veitingastaðurinn Lemon bætti nýlega við frírri heimkeyrsluþjónusta við þjónustu sína á meðan á samkomubanninu stendur en það er liður í að koma til móts við viðskipavini sem vilja ekki eða eiga þess ekki kost að mæta á staðinn.
Lemon er staðsett á þremur stöðum á höfuðborgarsvæðinu, að Hjallahrauni 14 í Hafnarfirði, Suðurlandsbraut í Reykjavík og í Salalaug Kópavogi.
Lemon – fyrir alla!
Að sögn Jóhönnu Soffíu, framkvæmdastjóra Lemon, hefur þjónustan farið vel af stað. „Við finnum fyrir miklum meðbyr með þessari þjónustu, sérstaklega hjá fólki sem hefur ekki kost á að koma til okkar. Fyrir fólk í sóttkví þá skiljum við matinn eftir við dyrnar,“ segir Jóhanna. „Það kom fjölskylda heim frá Spáni nú á dögunum og fór beint í sóttkví. Það fyrsta sem kom upp í hugann hjá þeim var Lemon og auðvitað brugðumst við við því og skildum poka eftir við dyrnar hjá þeim“, segir Jóhanna.
Boðið verður upp á þessa þjónustu til 13. apríl nk. eða á meðan samkomubannið gildir. Staðan verður svo endurmetin þegar að því kemur að sögn Jóhönnu.
„Við höfum jafnframt brugðist við breyttum aðstæðum og farið í ýmsar aðgerðir á veitingastöðunum okkar, sem dæmi þá höfum við fækkað stólum og tryggjum að það séu tveir metrar á milli þeirra. Öll borð og snertifletir eru sótthreinsaðir reglulega. Takkar á posum og hurðahúnar eru sótthreinsaðir. Allir viðskiptavinir okkar hafa einnig aðgengi að hönskum og spritti. Við höfum breytt verkferlum við afgreiðslu og nú sem ávallt gætir starfsfólk okkar ítrasta hreinlætis. 60 manns starfa á Lemonstöðunum á höfuðborgarsvæðinu. Við hugsum af alúð um starfsmenn okkar og reynum eftir fremsta megni að huga að öryggi og vernda þá sem og viðskiptavini okkar“. segir Jóhanna í tilkynningu til Fjarðarfrétta.
7 ára afmæli
Til stóð að hafa mikið í gangi hjá Lemon í marsmánuði þar sem staðurinn fagnar 7 ára afmæli. Að sögn Jóhönnu voru uppi hugmyndir að vera með ýmsa viðburði á stöðunum til að fagna afmælinu. „Við bíðum betri tíma með þá viðburði, en í tilefni afmælisins er „kombó“ mánaðarins og okkar allra vinsælasta frá upphafi, Spicy Chicken og Nice Guy en „kombóið“ kostar aðeins 1.590 kr. „Það er eitthvað við sterka bragðið af kjúklingnum í bland við sæta jarðarberjarbragðið af djúsnum sem gerir þetta „kombó“ að neglu,“ segir Jóhanna.
Breytt áhersla í veisluþjónustu Lemon
Veislubakkarnir frá Lemon hafa slegið í gegn og kaupir fólk þá fyrir hvaða tilefni sem er að sögn Jóhönnu. Segir hún eftirspurnina eftir þeim ekkert hafa minnkað en aðeins breyst. „í staðinn fyrir að skera samlokurnar niður á bakka hefur verið brugðið á það ráð að pakka samlokunum inn. Fyrirtæki hafa verið að taka samlokurnar innpakkaðar hálfar eða heilar. Rörin eru innpökkuð og límt er fyrir opið á glösunum.“
Hollt mataræði skiptir máli
„Við megum ekki gleyma að borða hollan og næringaríkan mat á tímum sem þessum. Þetta eru skrítnir tímar sem við erum að upplifa en tímabundnir svo mikilvægt er að við stöndum öll saman,“ segir Jóhanna að lokum.
Nánar má sjá um þessa þjónustu á lemon.is
