Einn lést og tveir slösuðust í hörðum árekstri jeppa og fólksbíls á Reykjanesbraut, þar sem hún er einbreið, austan við Brunnhóla, í morgun.
Lögreglunni barst tilkynning um slysið klukkan 06.48 í morgun. Talið er að annarri bifreiðinni hafi verið ekið yfir á rangan vegarhelming og lent á hinum sem kom úr gagnstæðri átt.
Sá sem lést var farþegi í annarri bifreiðinni, en ekki er hægt að greina frá líðan ökumannanna að svo stöddu.
Lögreglan á höfuðborgarsvæðinu og rannsóknarnefnd samgönguslysa rannsaka slysið.
