Landspítali hefur ákveðið að leysa húsnæðisvanda BUGL, Barna- og unglingageðdeildar Landspítalans á núverandi stað meðan að lagfæringar hússins standa yfir.
Segir í tilkynningu til Hafnarfjarðarbæjar þann 30. ágúst sl. að það sem ræður mestu um þessa ákvörðun sé kostnaðaráætlun standsetningar á St Jósefsspítala sem var verulega hærri en vonir stóðu til.
Opið hús var í húsnæði spítalans sl. laugardag og var kallað eftir tillögum bæjarbúa um notkun á húsinu. Þó um þrjú ár séu liðin síðan húsið var tæmt eru engin áform um notkun hússins en við kaup á eignarhluti ríkisins á húsinu var gert samkomulag um að þar yrði starfsemi í samfélagsþjónustu gegn lægra kaupverði.
