Heitavatnslaust hefur verið í hluta Hafnafjarðar frá því fyrir kl. 15 í dag og búist er við að bilunin vari fram á kvöld.
Vatni er dælt upp úr brunni á mótum Hjallahrauns og Fjarðarhrauns og heitt vatn kemur upp úr grasinu við gatnamót Grenibergs og Hamrabergs skv. upplýsingum íbúa í Setbergi.
Víða um bæinn er kvartað undan lágum vatnsþrýstingi og vatnsleysi.
Fólki er bent á að hafa skrúfað fyrir alla heitavatnskrana til að draga úr hættu á slysi eða tjóni þegar vatnið kemst á að nýju.
Uppfært kl. 20:23:
Skv. upplýsingum frá Veitum er búist við að vatn verði aftur komið á um kl. 22 í kvöld.
