Er eðlilegt að sum börn greiði 52.000 kr. fyrir árskort í Strætó?

Frístundabíllinn er eingöngu fyrir börn í 1.-4. bekk og akstur á æfingar sem hefjast kl. 15 og 16 á skólatíma.

Foreldri sem hafði samband við Fjarðarfréttir undraðist það að sum börn þurfi að greiða 52.000 kr. fyrir árskort í strætó á meðan börn 11 ára og yngri fái frítt í strætó.

Finnst henni það mikil viðbót við kostnað við frístundastarf barna sinna.

Ekki hefur náðst samstaða í stjórn Strætó

Hafði hún sent ábendingu til Hafnarfjarðarbæjar sem er aðili að Strætó bs. og fékk þau svör hjá Geir Bjarnasyni íþrótta- og tómstundafulltrúa, að því miður hafi ekki myndast meirihluti í stjórn Strætó um að lækka eða fella niður barnagjald.

„Börn hafa engar tekjur og sumum er nauðsynlegt að nota strætó og því er þetta réttlætismál sem Ungmennaráð Hafnarfjarðar og margir aðilar í kringum okkur vilja breyta.  Hafnarfjörður ákvað sjálfur að fella niður gjald í sundlaugar sínar á svipaðri forsendu fyrir börn. Við höfum skoðað að framlengja frístundaakstur úr níu ára og upp en það hefur ekki tekist enn og er í skoðun,“ segir jafnframt í svari Geirs.

Verðskrá Strætó

Ummæli

Ummæli