Erla Sigríður Ragnarsdóttir hefur verið skipuð skólameistari Flensborgarskólans til fimm ára.
Erla hefur lokið námi í fjölmiðla- og stjórnmálafræði hjá University of Wisconsin–Stevens Point. Hún er með B.A. gráðu í sagnfræði frá Háskóla Íslands, Cand.Mag. í sögu og stjórnmálafræði frá Háskólanum í Árósum, Dipl.Ed. í stjórnun og fræðslu frá Háskóla Íslands og MPA í opinberri stjórnsýslu frá Háskóla Íslands. Þá hefur hún lokið kennslufræði til kennsluréttinda á framhaldsskólastigi hjá Háskóla Íslands.
Erla Sigríður hefur starfað við Flensborgarskólann í Hafnarfirði frá árinu 2002. Fyrstu ár sín í skólanum starfaði hún sem sögukennari en frá 2011 hefur hún gegnt ýmsum stjórnunarstöðum innan skólans, þ.e. stöðu sviðsstjóra félagsgreina, mannauðsstjóra, aðstoðarskólameistara og setts skólameistar
Umsækjendur voru:
- Ágústa Elín Ingþórsdóttir, fv. skólameistari.
- Einar Aðalsteinn Brynjólfsson, framhaldsskólakennari.
- Einar Hreinsson, konrektor.
- Elvar Smári Sævarsson, forstöðumaður.
- Erla Sigríður Ragnarsdóttir, settur skólameistari.
Mennta- og barnamálaráðherra skipar skólameistara til fimm ára í senn að fenginni umsögn skólanefndar.
