Pílukastfélag Hafnarfjarðar var endurvakið fyrir skömmu og sendi níu keppendur á Íslandsmótið í 501 pílukasti.
Ingibjörg Magnúsdóttir og Vitor Charrua áttu titla að verja í einliðaleik en þeim tókst ekki að sigra að þessu sinni. Vitor tapaði naumlega í úrslitum fyrir Matthíasi Erni Friðrikssyni úr Pílukastfélagi Grindavíkur, 6-7.
Ingibjörg og Jóhanna Íslandsmeistarar í tvímenningi
Ingibjörg keppti með Jóhönnu Bergsdóttir frá Píludeild Þórs á Akureyri í tvenndarleik kvenna og sigruðu þær Petreu Friðriksdóttur PFR og Sigríði Jónsdóttur PR. Þær hafa nú sigrað tvenndarleikinn í 501 fjórum sinnum saman 2016, 2017, 2019 og 2020.
Vitor ásamt Hallgrími Egilssyni úr PFR, sem urðu Íslandsmeistarar í tvímenningi karla 2018, töpuðu í úrslitum gegn Þorgeiri Guðmundssyni PFR og Guðjóni Haukssyni.
Aðalfundur á miðvikudag
Aðalfundur Pílukastfélags Hafnarfjarðar verður haldinn miðvikudaginn 18. mars kl. 20. Sjá nánar hér.
