Samkvæmt ný samþykktri fjárhagsáætlun Hafnarfjarðar fyrir árið 2017 er gert ráð fyrir að nýta 3.435,5 milljónir kr. í fjárfestingar í bæjarfélaginu og gert er ráð fyrir að taka 1 þúsund milljónir kr. að láni til að fjármagna þær. Einn milljarð til byggingar leik- og grunnskóla í Skarðshlíð á að fá með lóðasölu.
Eftirtaldar framkvæmdir skv. yfirliti frá Hafnarfjarðarbæ:
| Millj. kr. | Umhverfi og götur: |
| 200 | Ríkið hefur samþykkt að fara í gerð mislægra gatnamóta við Reykjanesbraut/Krýsuvíkurveg. Samhliða verður farið í að tengja Selhellu og Suðurbraut við þau gatnamót. |
| 20 | Haldið verður áfram undirbúningi að gerð Ásvallabrautar sem tengir saman Ásland og Velli. Jafnframt verður unnið áfram að nýrri legu á Kaldárselsvegi í samvinnu við Vegagerðina. |
| 28 | Haldið verður áfram við frágang stétta og grassvæða á nýbyggingarsvæðunum á Völlum, Áslandi og Skipalóni. |
| 70 | Farið verður í gerð nýs hringtorgs á gatnamótum Krýsuvíkurvegar, Ásvallabrautar og Álfhellu. |
| 30 | Farið verður í lokaáfanga stækkunar kirkjugarðsins á Öldum í samvinnu við stjórn kirkjugarðsins. |
| 30 | Hafin verður vinna við gerð göngu- og hjólastígs við Kaldárselsveg. |
| 15 | Haldið verður áfram við gerð hjólreiðastíga við stofnbrautir í bænum í samvinnu við Vegagerðina. |
| 32 | Unnið verður í frekari frágangi á Norðurbakkanum og í miðbænum. Jafnframt verður farið í endurnýjun á yfirborði á Fjarðargötu vegna snjóbræðslu að hluta. |
| 10 | Hafin verður vinna við endurgerð á gönguleiðum við Hringbraut og við endurgerð gatnamóta Hringbrautar/Öldugötu. |
| 45 | Í tengslum við rif á Dverg verður farið í að endurgera Lækjargötu á þeim kafla. Endurnýjaðar verða lagnir, gatnayfirborð og gönguleiðir. |
| 2 | Biðskýlum verður fjölgað. |
| 15 | Unnið verður að gerð umferðaröryggisáætlunar fyrir Hafnarfjörð sem og að bættu umferðaröryggi í sveitarfélaginu. Jafnframt er komið að því að endurskoða kortlagningu hávaðakorta. |
| 20 | Endurnýjuð verða tæki í þjónustumiðstöð en mörg þeirra eru komin vel til ára sinna. |
| 2 | Áætlað er að hefja varanlegan frágang við grenndarstöðvar og verður byrjað í miðbænum |
| 2 | Orkusalan hefur hug á að afhenda bænum rafmagnshleðslustöð fyrir bíla og mun bærinn fara í frágang á svæðinu sem fyrir valinu verður. |
| 25 | Unnið verður að umhverfismálum, svo sem á Víðistaðartúni, Hellisgerði, Kaldárseli og Krýsuvík, og að merkingum gönguleiða og merkingum á áhugaverðum stöðum, ásamt öðrum tilfallandi verkefnum. |
| 55,5 | Eignfærð skipulagsgjöld. |
| Millj. kr. | Fasteignir: |
| 67 | Flýtiframkvæmdasamningur er í gangi við FH í Kaplakrika, m.a. vegna aðgengis fatlaðra, aðkomu að íþróttamannvirkjum og einangrunar og klæðningar frjálsíþróttahúss. |
| 70 | Hafnar verða framkvæmdir við endurnýjun á gervigrasi í Kaplakrika |
| 200 | Hafnar verða framkvæmdir við nýtt æfingahús á Ásvöllum. |
| 10 | Hafin verður malbikun að skotæfingasvæðinu. |
| 13,5 | Flýtiframkvæmdasamningur er í gangi við Keili vegna breytinga á völlum félagsins. |
| 12 | Hafin verður vinna við endurskoðun á skólalóðum Hvaleyrarskóla og Öldutúnsskóla. |
| 1 | Hafin verður vinna við endurskoðun á útisvæði Suðurbæjarlaugar. |
| 5 | Farið verður í lokaúttekt á Ásvallalaug. |
| 5 | Unnið verður að bættu aðgengi fatlaðs fólks að stofnunum bæjarins. |
| 3 | Unnið verður áfram að uppbygginu eftirlitskerfis við loftmælingar í Hafnarfirði. |
| 47 | Hlutdeild Hafnarfjarðarbæjar í sameiginlegu verkefni sveitarfélaganna á höfuðborgarsvæðinu í uppbyggingu á gasgerðarstöð hjá Sorpu bs. |
| 25 | Lagt er til fjármagn til endurnýjunar búnaðar í stofnanir bæjarins. |
| 1.000 | Haldið verður áfram með uppbyggingu hjúkrunarheimilis í samræmi við ákvörðun bæjarstjórnar. (Fjármagnað með lántöku) |
| 1.000 | Farið verður í undirbúning á nýjum leik- og grunnskóla í Skarðshlíð. Fjárveiting vegna þessa kemur frá sölu lóða. |
| Millj. kr. | Veitur: |
| 30 | Endurgerð heimæða vatnsveitu. |
| 4 | Endurnýjaðar verða girðingar við vatnsbólið í Kaldárbotnum. |
| 3 | Sett verður upp vatnsdælustöð í Skarðshlíð. |
| 5 | Endurgerð heimæða fráveitu. |
| 30 | Farið í framkvæmdir í tengslum við endurnýjanir lagna í Lækjargötu. |
| 16,5 | Hafin verður vinna við fóðrun lagna í miðbæ og Suðurbæ. |
| 50 | Hafin verður vinna við nýjar fráveitulagnir á Völlunum. |
| 7 | Farið verður í lagfæringar á fráveitudælubrunnum. |
| 5 | Farið verður í lagfæringar á húsnæði fráveitu. |
| Millj. kr. | Húsnæðisskrifstofa: |
| 200 | Lengi hefur verið ljóst að samsetning íbúða er ekki í samræmi við þarfir umsækjenda og þess vegna er gert ráð fyrir framlagi að fjárhæð kr. 200 milljónir til endurfjárfestingar í kerfinu. |
| Millj. kr. | Hafnarsjóður: |
| 25 | Uppbygging í Suðurhöfn |
