Hvað er fjölskylda? Fjölskyldan er hópur einstaklinga sem á sameiginlegt heimili þar sem einstaklingarnir deila tómstundum, hvíld, tilfinningum, efnahag, ábyrgð og verkefnum. Fjölskyldan gegnir lykilhlutverki í mótun einstaklingsins og er grundvöllur fyrir tengslamyndun og heilbrigðum tilfinningaþroska. Til að þessi skilgreining hafi merkingu þurfum við eftir okkar fremsta megni að hlúa að fjölskyldum og það ætlar Miðflokkurinn að gera með margvíslegum úrræðum. Til að mynda að afnema heimalærdóm, auka frístundastyrk, frítt í strætó, frítt í sund fyrir námsmenn og einstaklinga undir 18 aldri svo eitthvað sé nefnt.
Í nútímasamfélagi hafa, með síauknum tækninýjungum, því miður minnkað þær gæða stundir sem við höfum sem fjölskylda og við þurfum að reyna finna leiðir til að sporna við því.
Heimanám getur valdið togstreitu og pirringi milli foreldra og barna og eftir átta til níu tíma vinnudag hjá börnum koma þau heim og þurfa þá að leysa heimaverkefni með oft á tíðum þreyttum foreldrum sem hafa mismikla þolinmæði og getu til að aðstoða þau. Við í Miðflokknum ætlum breyta þessu, afnema heimanám og einbeita okkur meira að lausnamiðuðum hugmyndum fyrir fjölskyldur. Miðflokkurinn ætlar að beita sér fyrir auknari fjölskylduvænni afþreyingu og skoða til dæmis að stuðla að byggingu skautasvells, keiluhúss, klifurseturs og fleira.
Með þetta ofangreint í huga sem og fjölga útivistarsvæðum og fleira í þágu fjölskyldna, þá getum við byggt upp fjölskylduvænt samfélag sem önnur bæjarfélög geta litið upp til og þar með laðað til okkar fleira fólk til að auðga okkar sveitarfélag til muna.
Ég býð fram krafta mína hjá Miðflokknum því þar vinnum við að skynsamlegum lausnum og framkvæmum.
Sævar Gíslason iðnfræðingur
og skipar 9. sæti á lista Miðflokksins.
