Krónan valdi nýlega þrettán samfélagsverkefni víða um land sem Krónan styrkir á þessu ári til góðra verka.
Í Hafnarfirði hlaut Foreldrafélag Hvaleyrarskóla samfélagsstyrk til kaupa á Pannavelli á skolalóðina. Pannavöllur er lítinn átthyrndur fótboltavöllur þar sem hægt er að spila hraðan og skemmtilegan fótboltaleik, einn á móti einum. Pannavellir eru til þess fallnir að auka áhuga barna á hollri hreyfingu, meðal annars vegna hentugrar stærðar vallarins.
Samfélagsstyrkir Krónunnar
Krónan valdi nýlega þrettán verkefni víða um land sem hljóta samfélagsstyrk Krónunnar í ár en á hverju hausti eru valin verkefni úr fjölda umsókna, sem hljóta styrkinn. Langflest þeirra eru staðsett utan höfuðborgarsvæðisins, en eiga það öll sameiginlegt að stuðla að jákvæðum áhrifum á uppbyggingu í nærsamfélögunum á þeim þéttbýlisstöðum þar sem Krónan er til staðar.
Verkefnin eiga það einnig sameiginlegt að ýta undir umhverfisvitund eða aukna lýðheilsu í formi áherslu á hollustu og/eða hreyfingu þar sem sjónum er einkum beint að ungu kynslóðinni.
