Tíu þúsund skammtar af bóluefni gegn Covid veirunni komu til landsins í morgun en þau koma frá bandaríska fyrirtækinu Pfizer. Er bóluefnið nú komið í vöruhús fyrirtækisins Distica í Garðabæ sem annast dreifingu þess hér á landi.
Miðað hafði verið við að Ísland fengi nú rúmlega 21.000 skammta en tilkynnt var um miðjan desember að þeir yrðu aðeins 10.000. Í janúar og febrúar er von á um 17.500 skömmtum til viðbótar. Samtals dugir þetta bóluefni fyrir tæplega 14.000 manns.
Mun framlínustarfsfólk í heilbrigðisþjónustu og fólk á öldrunarheimilum verða fyrsta fólkið sem verður bólusett.
