Gámar fyrir garðaúrgang verða við grunnskóla Hafnarfjarðar frá í dag til föstudagsins 25. maí. Þar geta bæjarbúar losað garðaúrgang en mikilvægt er að losa úr pokum í gáminn en ekki má setja úrganginn í pokum í gámana.
Hingað til hefur garðaúrgangur verið sóttur til fólks en með þessu er ferlið einfaldað til muna og kostnaður sveitarfélagsins minnkar.
Lóðarhafar eru einnig hvattir til að koma sér upp safnkassa á lóðum sínum og minnka þannig það magn sem fjarlægja þarf auk þess sem það verður til þess að fólk útbýr sína eign úrvalsmold og þarf ekki að sækja annað.
Hafnarfjarðarbær stendur fyrir hreinsunardögum 21.-24. maí en hefur kosið hvorki að auglýsa þá á þessum fréttavef, né að senda tilkynningu um dagana.
