Víða um bæinn má sjá bílum lagt upp á gangstéttir og þannig að það hindri umferð gangandi fólks. Lítið eftirlit virðist vera með slíku og ekki eitt af aðalverkefnum lögreglunnar.
Íbúi við Lækjargötu hafði samband og benti á sendibíl sem oft er lagt í stæði við blokkirnar á Lækjargötu, gengt húsi nr. 28. Þar er sendibíl bakkað í stæði sem nær að gangstéttinni, en þannig að aftasti hluti bílsins nær út á gangstéttina. Það sem gerir þetta enn varasamara er að trappa, aftast á bílnum, skagar aftur úr bílnum og ekki víst að gangandi taki eftir henni.
Undanfarin ár hefur oft sést til svona sendibíla á þessum stað og jafnvel hefur verið dráttarkrókur, aftasti hluti sem ekki er gott að rekast í.
Vildi íbúinn að lögreglan tæki á svona málum og hvatti jafnframt bíleigendur að taka betur tillit til gangandi vegfarenda.
