Rótarýklúbburinn Straumur veitti á fundi sínum í morgun, fimmtudag, Halldóri Árna Sveinssyni Hvatningarverðlaun klúbbsins 2024.
Var þetta í 14. sinn sem verðlaunin eru afhent.
Halldór Árni hefur um áratugaskeið tekið upp mikið af efni í Hafnarfirði sem er með í að varðveita sögu Hafnarfjarðar. Nýlega var stofnað sjálfseignarfélag til að flokka, skrá og færa allt efni yfir á stafrænt form og ánafnaði Halldór öllu sínu efni til sjálfseignarfélagsins.
Mikil vinna er framundan en ætlunin er að almenningur fái aðgang að því að skoða þetta efni í framtíðinni.
Telur klúbburinn að Halldór Árni sé mjög vel að þessum hvatningarverðlaunum kominn og óskar honum góðs gengis við starfið í framtíðinni.
Nánar um Rótarýklúbbinn Straum
