Haraldur Óli Gunnarsson sækist eftir 1.-3. sæti í prófkjöri Pírata í Hafnarfirði sem haldið er 5.-12. mars. Þetta kemur fram í tilkynningu frá honum.
„Ég heiti Haraldur Óli Gunnarsson og er 42 ára gamall. Ég bý í norðurbænum með maka og 3 börnum og hef búið hér í Hafnarfirði síðustu 9 ár og stefni á að vera hér til frambúðar. Ég starfa sem sérfræðingur hjá Advania en hef verið í fjarskiptabransanum síðan 2007 við hin ýmsu störf.
Hafnarfjörður er eitt mest spennandi sveitarfélagið á landsvísu og langar mig að leggja mitt af mörkum til að gera góðan stað enn betri. Tækifæri fyrir úrbætur eru mörg og brenn ég helst fyrir aukinni þjónustu við íbúanna, skipulags-, félags-, æskulýðs og skólamálin. Búseta í Hafnarfirði ætti að vera eftirsóknarverð og tel ég að ef bærinn heldur enn betur utan um íbúa sína verði það raunin og ánægja íbúanna endurspeglist með meiri aðsókn í bæinn.“
