Dregið var um það í hádeginu í dag hvaða lið mætast í undanúrslitum í bikarkeppni kvenna. Þar mætast Haukar og Skallagrímur annars vegar og Valur og KR hins vegar.
Skallagrímur sigraði ÍR í gærkvöldi 86-51 en áður höfðu Haukar sigrað Grindavík, KR hafði sigrað Keflavík og Valur hafði sigrað Breiðablik.
Skallagrímur og Haukar eru í 4. og 5. sæti í úrvalsdeildinni, bæði með 20 stig eftir 16 umferðir. Valur er á toppnum með 28 stig og KR í öðru sæti með 24 stig.
Skallagrímur sigraði Hauka nokkuð örugglega í síðasta leik liðanna 15. janúar sl. og einnig í í nóvember en Haukar sigraði hins vegar á útivelli í október sl.
Leikið verður fimmtudaginn 13. febrúar kl. 17.30 og 20.15.
