Hrafnhildur Lúthersdóttir, sundkona úr SH, synti til úrslita í 100 m bringusund nú í nótt á Ólympíuleikunum í Brasilíu.
Hrafnhildur synti á 1. braut, og varð í 6. sæti á 1,07,18 mín. Varð hún efst Evrópubúa og á undan heimsmethafanum.
Aðeins Hafnfirðingar hafa synt til úrslita
Með sundi sínu varð Hrafnhildur fyrst ófatlaðra kvenna til að synda til úrslita í sundi á Ólympíuleikum en aðeins einn Íslendingur hefur gert það áður, Örn Arnarson sem synti til úrslita á Ólympíuleikum í Sydney árið 2000 í 200 metra baksundi. Þar varð hann í 4. sæti.
