Forsetakosningar verða haldnar laugardaginn 27. júní og verða kjörstaðir opnir kl. 9-22.
Kjörstaðir í Hafnarfirði
Kjörstaðir í Hafnarfirði verða í Lækjarskóla og Víðistaðaskóla.
Kjörstöðum er skipt í kjördeildir og kjósendur geta séð í hvaða kjördeild þeir eiga að kjósa með því að smella HÉR og slá inn kennitölu sína. Götum bæjarins er skipt á kjördeildir og fólk með sama heimilisfang kýs því í sömu kjördeild.
Kjósendur eru á kjörskrá í því sveitarfélagi þar sem þeir eiga skráð lögheimili þrem vikum fyrir kjördag, þann 5. maí 2018. Flutningur lögheimilis eftir þann tíma breytir ekki skráningu á kjörskrá.
Kjósendum ber að framvísa persónuskilríki á kjörstað.
Kosið utan kjörfundar
Til og með 26. júní nk. fer utankjörfundaratkvæðagreiðsla fram á þremur stöðum á höfuðborgarsvæðinu; á 1. hæð í Smáralind, á 2. hæð í Smáralind og undir stúkunni á Laugardalsvelli. Þar verður opið alla daga milli kl. 10 og 22. Þó verður lokað miðvikudaginn 17. júní.
Á kjördag, laugardaginn 27. júní verður eingöngu opið á 1. hæð í Smáralind milli kl. 10 og 17 fyrir kjósendur sem eru á kjörskrá utan höfuðborgarsvæðisins. Símanúmer vegna utankjörfundaratkvæðagreiðslu er 860 3380 og 860 3381. Neyðarsími kjörstjóra er 860 3382.
