Reglulegt skólahald fellur niður í Hafnarfirði á morgun, föstudag, vegna veðurs en leikskólar og grunnskólar verða engu að síður opnir með lágmarksmönnun fyrir fólk sem þarf nauðsynlega á vistun fyrir börn sín að halda. Fyrir fólk sem sinnir neyðarþjónustu, löggæslu, slökkvistörfum og björgunarsveitarútköllum.
Veðrið gengur niður eftir kl. 15 samkvæmt spá sem þýðir að ýmis þjónusta raskast eða fellur niður í fyrramálið og jafnvel allan daginn.
Helstu upplýsingar
- Almennt skólahald fellur niður
- Sundlaugar í Hafnarfirði verða lokaðar en opna kl. 15
- Frístundaheimili opna þegar viðvörunum lýkur. Eins og staðan er núna er appelsínugul viðvörun í gildi til kl. 15:00
- Skerðing verður á heimaþjónustu en neyðartilvikum sinnt eftir föngum
- Söfn verða lokuð á morgun nema annað verði tilkynnt
- Þjónustuver og þjónustumiðstöð verða opnar og svara í síma
Fólk er hvatt til þess að halda sig heima í fyrramálið og fylgjast vel með tilkynningum frá almannavörnum
Staðan verður endurmetin í fyrramálið.
