Í síðasta mánuði færði Lionsklúbbur Hafnarfjarðar 1 milljón kr. til Mæðrastyrksnefndar og bætti Fjarðarkaup við 200 þús. kr. í gjafabréfum.
Klúbburinn gerði svo enn betur og bætti við gjöfina sl. miðvikudag er klúbburinn lagði til 500 þús. kr. til viðbótar og Fjarðarkaup bætti aftur við 200 þús. kr. í gjafabréfum.
Var formaður Mæðrastyrksnefnar Hafnarfjarðar, Ásta Eyjólfsdóttir, að vonum þakklát og hrærð yfir þessum rausnarskap.
Samtals hafa því Lionsklúbbur Hafnarfjarðar og Fjarðarkaup gefið samtals 1,9 milljónir kr. til Mæðrastyrksnefndar fyrir þessi jól.
