Lionsklúbbur Hafnarfjarðar afhenti á fundi sínum fyrir skömmu Mæðrastyrksnefnd 750 þúsund krónur, en áður hafði verkefnanefnd klúbbsins samið við Fjarðarkaup um 250 þúsund króna framlag. Samtals var styrkveitingin því ein miljón króna í formi greiðslukorta.
Ásta Eyjólfsdóttir tók á móti styrknum úr hendi Magnúsar Ingjaldssonar formanns verkefnanefndar klúbbsins. Jafnframt var samþykkt á fundinum að styrkja Mæðrastyrksnefnd enn frekar í desember og sl. laugardag styrkti klúbburinn Mæðrastyrksnefnd um 1,5 milljón kr. í formi greiðslukorta hjá Fjarðarkaupum.
Hefur framlagið til nefndarinnar verið 2,5 milljónir kr. í ár!
Á síðasta ári styrkti klúbburinn ásamt ekkju eins félaga, Mæðrastyrksnefnd um eina og hálfa miljón ásamt framlagi frá Fjarðarkaupum.
Lionsklúbbur Hafnarfjarðar hefur starfað í 65 ár í Hafnarfirði og í honum eru 32 félagar sem vinna ötullega að velferðarmálum í heimabyggð og á alþjóðavísu.
