Lögreglan á höfuðborgarsvæðinu lýsir eftir Svanhvíti Harðardóttur, 37 ára.
Síðast er vitað um ferðir Svanhvítar um kl. 13:00 í gær þegar hún fór frá heimili sínu á Völlunum í Hafnarfirði.
Svanhvít er 167 sm á hæð, sólbrún með ljóslitað rúmlega axlarsítt hár. Hún var í gær klædd í gráar joggingbuxur og hettupeysu en ekki er vitað um lit peysunnar. Þá var hún með hárið í háu tagli.
Þau sem geta gefið upplýsingar um ferðir Svanhvítar, eða vita hvar hana er að finna, eru vinsamlegast beðin um að hafa tafarlaust samband við lögregluna í síma 112.
Björgunarsveitir hafa verið kallaðar út í leit.
Uppfært kl. 22:20:
Talið er að Svanhvít hafi verið á hvítu rafhlaupahjóli af tegundinni Xiaomi M365, sem er hvítt að lit.
Þeir sem hafa séð þannig hjól eru beðnir að hafa samband við lögreglu í síma 112.
