Setbergsskóli og Áslandsskóli kepptu til til úrslita í spurningakeppni grunnskólanna, Veistu Svarið, en keppnin var haldin í Bæjarbíói í kvöld.
Í keppninni eru hraðaspurningar í 90 sekúndur, vísbendingaspurningar, 10 bjölluspurningar, hljóðdæmi og þríþraut. Höfundur spurninga og spyrill var Árni Stefán Guðjónsson.
Lið Áslandsskóla var skipað þeim Óskari Karli Ómarssyni, Ellý Hákonardóttur Uzureau og Þorsteini Ómari Ágústssyni en þjálfari þeirra var Þórdís Lilja Þórsdóttir.
Lið Setbergsskóla var skipað þeim Styrmi Ása Kaiser, Sigurrósu Hauksdóttur og Dagbjörgu Birnu Sigurðardóttur en þjálfari þeirra var: Margrét Guðbrandsdóttir.
Keppnin var nokkuð spennandi en sigur Áslandsskóla var þó nokkuð öruggur og fékk skólinn 28 stig á móti 23 stigum Setbergsskóla.
