Vegna samkomubanns mun Bókasafn Hafnarfjarðar verða lokað um óákveðinn tíma.
Starfsemin heldur þó áfram og starfsfólk safnsins mun sjá öllum sem áhuga hafa fyrir bókum, spilum, DVD-myndum og tónlist – bæði geisladiska og vínil.
Lántakendur geta haft samband í síma 664 5692 á milli kl. 14 og 16 virka dag, í tölvupósti á bokasafn@hafnarfjordur.is eða á Facebook og pantað bækur. Er fólk beðið að takmarka sig við þrjár bækur.
Hægt verður að ná í bækurnar í bókasafnið milli kl. 15 og 16 dag hvern við hliðarinnganginn hjá aðalinnganginum. Fólk í áhættuhópi og fólk sem vill snertilausa þjónustu er beðið um að hringja í síma 664 5692 þegar bækurnar eru sóttar.
Hægt er að leita að bókum á gegnir.is
Starfsfólk safnsins mun á næstu dögum vinna í að auka þjónustu bókasafnsins og miðla því til lántakenda á samfélagsmiðlum.
Skilafrestur alls útláns hefur verið framlengdur til 20. apríl nk.
