Ellý og Sunna Björk sigruðu í söngkeppni Hafnarfjarðar – Myndasyrpa

Glæsilegur söngur elstu nemenda grunnskólanna

Eftir gg

16. mars 2023

Söngkeppni Hafnarfjarðar 2023-181 — Marta Manuela Estevez, Ellý Hákonardóttir, Sunna Björk Magnúsdóttir og Hrafnhildur Björk Ragnarsdóttir.

Söngkeppni Hafnarfjarðar var haldin í Bæjarbíói í gærkvöldi.

Níu einstaklingar og einn hópur tók þátt í keppninni sem er keppni milli félagsmiðstöðva grunnskólanna í Hafnarfirði.

Stóðu þau öll sig mjög vel og fengu mjög góð viðbrögð frá áheyrendum í salnum sem voru vel með á nótunum.

Þau Ísak Gunnarsson úr Ásnum og Ellen María Arnarsdóttir úr Verinu stóðu sig einnig mjög vel sem kynnar kvöldsins.

Dómarar keppninnar voru Sigurður Þorri Gunnarsson, tónlistarstjóri Rásar 2, Kjalar Marteinsson Kollmar, söngvari og lagahöfundur og Silja Rós Ragnarsdóttir, söngkona og lagahöfundur og fengu þau það erfiða verkefni að velja sigurvegara í keppninni og gáfu sér góðan tíma í það sem jók á spennu viðstaddra.

Til mikils var að vinna því tveir flytjendur eru valdir áfram í Söngkeppni Samfés sem haldin verður í Laugardalshöll í byrjun maí.

Úrslit

Í þriðja sæti varð Marta Manuela Estevez úr Öldunni sem söng lagið Summertime Sadness

Marta Manuela Estevez úr Öldunni varð í 3. sæti.

Í öðru sæti varð Hrafnhildur Björk Ragnarsdóttir úr Hrauninu sem söng lagið Hopelessly Devoted To You.

Hrafnhildur Björk Ragnarsdóttir úr Hrauninu varð í 2. sæti.

Sigurvegar í ár voru Ellý Hákonardóttir úr Ásnum sem söng lagið Strange Sunna Björk Magnúsdóttir úr Hrauninu sem söng frumsamið lag, Blue butterfly og

Sunna Björk Magnúsdóttir úr Hrauninu, annar sigurvegaranna.

Ellý Hákonardóttir úr Ásnum, annar sigurvegaranna.

Keppendur í ár voru:

Vitinn, Lækjarskóla:

Hljómsveitin No Name: Smári Hannesson, Þórður Jón Guðlaugsson, Auðunn Benedikt Hannesarson, Hlynur Óskarsson og Logi Jökulsson fluttu frumsamið lag, Fjallanótt.