Hin árlega hausthátíð var haldin á Hrafnistu í Hafnarfirði í síðustu viku.
Hátíðin var í ár haldin með pompi og prakt, enda fyrsta skiptið eftir covid sem hægt var að hald svona stóran viðburð og að bjóða aðstandendum að njóta með.
![](https://www.fjardarfrettir.is/wp-content/uploads/2021/10/Haustfagn-Hraunvangi-21093-1024x683.jpg)
Þeir Björgvin Franz og Þorgeir Ástvaldsson voru veislustjórar en þeir kalla sig Vinir Ragga Bjarna og spila lög eftir Ragga og sögðu ófáar skemmtilegar sögur af poppkónginum.
Boðið var upp á kótilettur og meðlæti, malt og appelsín, ís í eftirrétt og barinn var galopinn fyrir gesti.
Aríel Pétursson, formaður Sjómannadagsráðs, var heiðursgestur að þessu sinni og hélt stutta ræðu. Eftir borðhaldið kom Dansbandið með fjör í húsið og fólkið reimaði á sig dansskóna.
Árdís Hulda Eiríksdóttir, forstöðumaður Hrafnistu í Hafnarfirði segir að dagurinn hafi í heild sinni verið fullkominn eftir krefjandi síðustu mánuði.
Ljósmyndir: Hreinn Magnússon