Hafnfirðingurinn Jón Eggert Guðmundsson lagði af stað þann 1. júlí sl. í 3.200 kílómetra hjólaferð til styrktar Krabbameinsfélaginu. Leiðin lá um vegi meðfram strönd landsins, lengstu mögulegu leiðina í kringum landið.
Jón gekk leiðina til styrktar Krabbameinsfélaginu með aðstoð bílstjóra síns Sigfúsar Austfjörð fyrir 10 árum. Sigfús lést árið 2012 og hjólar Jón Eggert í minningu hans.
Kemur til Hafnarfjarðar á miðvikudag
Jón Eggert verður í Grindavík í dag og í Keflavík á morgun en kemur til Hafnarfjarðar á miðvikudaginn.
Ætlar hann að fagna áfanganum þegar hann kemur í bæinn á Pallett kaffihúsinu í Drafnarhúsinu kl. 18. Eru Hafnfirðingar hvattir til að taka vel á móti honum.
Þeir sem vilja styrkja átakið geta sent SMS skilaboðin KRABB í númerið 1900 og styrkja Krabbameinsfélagið um 1.900 kr.
