Um 800 manns hlýddu á glæsilega unga tónlistarmenn í Íþróttahúsinu við Strandgötu 21. apríl sl. Tónleikarnir nefndust Bræðralag en leikin voru lög þeirra bræðra, Friðriks Dórs og Jóns Jónssonar. Því miður lá Jón veikur heima tónleikadaginn og söng Friðrik lög bróðurs síns við góð viðbrögð.
Þetta voru tímamótatónleikar er Sinfóníuhljómsveit Tónlistarskóla Hafnarfjarðar spilaði á sínum fyrstu stóru tónleikum. Hún var aldeilis ekki ein því með henni voru Lúðrasveit Tónlistarskóla Hafnarfjarðar, Rytmaband úr Tónkvísl, Unglingakór Lækjarskóla, Danshópur úr Lækjarskóla, Forskóli 2 og nemendur úr Tónlistarskóla Garðabæjar. Samtals um 150 flytjendur á aldrinum 8 ára til rúmlega tvítugs.
Hér má sjá myndir frá tónleikunum.
