Sjöundi Grænfáninn á Norðurbergi

Sl. laugardag, á sjálfri sjó­mannadagshelginninnadagshelginni, var líf og fjör í góða veðrinu í leikskólanum Norðurbergi. Árleg sumarhátíð var í leikskólanum og að auki fékk leikskólinn afhentan Græn­fánann í sjöunda skiptið fyrir viðurkenningu á umhverfisstefnu leikskólans. Fulltrúi frá Land­vernd, Katrín Magnúsdóttir, af­hen­ti umhverfisráði barna fán­ann og gengu þau, ásamt gestum, fylktu liði að fánastöng leikskól­ans og hífðu fánann upp. Margt var um manninn og nutu sín allir í veðurblíðunni enda margt í boði s.s. tónlist, myndlist, vöffl­ur og gróðursetning.

Grænfáninn er umhverfismerki sem nýtur virðingar víða um heim sem tákn um góða um­­hverfismennt og umhverfis­stefnu í skólum. Fánann fá skólar í kjölfar verkefna sem eru ætluð til að efla vitund nemenda, kennara og fjölskyldna um um­hverfismál.

Neysla – plastneysla

Að sögn Önnu Sigurborgar Harðardóttur leikskólastjóra vann leikskólinn sl. vetur með þemað „Neysla/plastneysla“. „Markmið verkefnsins var að lágmarka alla notkun á plasti í daglegu lífi okkar og gera börn og fullorðna meðvitaðri um skaðsemi þess fyrir umhverfið,“ segir Anna. Allir aldurshópar unnu í margs konar verkefnum yfir veturinn. Starfsmenn elstu barnanna fóru í samstarf við heim­ili barnanna með lítið heimaverkefni. Öll börnin fengu gefins fjölnota innkaupapoka (þökk sé Sorpu) og fóru með hann heim ásamt lýsingu fyrir foreldrana í hverju verkefnið fælist. Þau áttu að safna öllu plasti sem kæmi inn á heimilið í þrjá daga og setja í pokann og koma með hann í leikskólann á fjórða degi. Hópurinn hittist, fóru yfir það sem kom í pokann og tróðu því í plexiglerkassa öllum til sýnis. „Við viktuðum herlegheitin og komumst að því að hver fjölskylda skilaði frá sér rúmlega 29 kg af plasti á ári hverju!,“ segir Anna.

4 tonn af plasti á ári

„Í leikskólanum eru 137 fjölskyldur og þessar fjölskyldur láta því frá sér samanlagt 4 tonn af plasti á ári! Óhugguleg tala og sérlega í ljósi þess að plast eyðist ekki í jarðvegi og er veruleg ógnun við lífríkið og náttúruna. Hluti af verkefni vetrarins var að ræða hvað gæti komið í staðinn

Ummæli

Ummæli