Þessir fengu menningarstyrki – Sönghátíð í Hafnarborg fær hæsta styrkinn

22 verkefni hljóta styrk menningar- og ferðamálanefndar Hafn­­ar­fjarðar að þessu sinni, samtals 6 millj. kr. Þetta eru einstaklingar, menningarhópar og samtök sem eiga öll það sammerkt að tengjast Hafnarfirði.

Styrkir nefndarinnar eru afhentir tvisvar sinnum á ári til aðila og verkefna sem líkleg eru til að auðga og dýpka enn frekar listalíf bæjarins. Formleg afhending styrkjanna fer fram 24. apríl næstkomandi um leið og tilkynnt verður um val á bæjarlistamanni ársins.

Menningar­viðburðir, listamenn, félaga­samtök eða stofnanir sem sækja um styrk verða að tengjast Hafnarfirði með einhverjum hætti. Hér telur t.a.m. föst búseta, að viðburður/verkefni fari fram í Hafnarfirði og/eða að verkefni feli í sér kynningu á menningarstarfsemi Hafnarfjarðar. Heildarupphæð styrkja í þessari úthlutun er 6.080.000 kr. en samtals verður úthlutað 11 milljónum kr. á árinu.

Að þessu sinni leggur menningar- og ferðamálanefnd til að gerðir veðri samstarfssamningar til þriggja ára við tvo aðila, Sönghátíð í Hafnarfirði og Lúðrasveit Hafnarfjarðar. þeir samn­ingar verða lagðir fyrir bæjarráð til samþykktar.

Auglýst verður eftir umsóknum fyrir síðari úthlutun ársins 2019 í ágúst.

Ummæli

Ummæli