Tónlistarmyndbandið Ég er bara að ljúga er það ekki? – Annalísa í leikstjórn Önnulísu Hermannsdóttur var valið tónlistarmyndband ársins í flokknum Önnur tónlist á Íslensku tónlistarverðlaunum í gærkvöldi. Er það opinn flokkur, þjóðlaga- og heimstónlista, kvikmynda- og leikhústónlistar.
Annalísa sá einnig um eftirvinnslu en um kvikmyndatöku sá Rakel Ýr Stefánsdóttir. Ljós og aðstoð við kvikmyndatöku sá Katrín Helga Ólafsdóttir um.
Myndbandið var framleitt af Katrínu Helgu Ólafsdóttur og Önnulísu Hermannsdóttur í samstarfi við ungmennahúsið Hamarinn í Hafnarfirði. Myndbandið vann hún undir verndarvæng Skapandi sumarstarfa og Klöru Elíasdóttur aðstoðarverkefnastýru Hamarsins.
Ég er bara að ljúga er það ekki? er allt í senn tónlistarmyndband, stuttmynd og holdgervingur upplifunar margra þolenda ofbeldis af því erfiða ferli að segja frá sinni reynslu og deila henni með heiminum.
Sjá má myndbandið hér:
