Metþátttaka í Ratleik Hafnarfjarðar

Ásta Eyjófsdóttir er Þrautakóngur Ratleiks Hafnarfjarðar 2023

Eftir gg

1. október 2023

Ratleikur 2023 Uppskera-70_resize — Vinningshafar í Ratleik Hafnarfjarðar 2023 ásamt Guðna Gíslasyni, umsjónarmanni leiksins, frá vinstri: Elín Margrét, Þóroddur, Brynja Sif, Ásta, Ísak Móri, Guðný Steina, fulltrúi Birkis Inga, Þór og Jóhanna Gyða.

Hafnfirðingurinn Ásta Eyjólfsdóttir er Þrautakóngur Ratleiks Hafnarfjarðar 2023 sem lauk á þriðjudag eftir að hafa staðið yfir í allt sumar.

Til að eiga möguleika á að verða Þrautakóngur Ratleiksins þarf viðkomandi að hafa fundið öll 27 ratleiksmerkin sem komið hafði verið fyrir við áhugaverða staði vítt og breitt um bæjarlandið og þó mest í upplandinu.

Sumarið, ekki síst júlí og ágúst, var einkar gott fyrir ratleiksunnendur sem sennilega var með í gera þetta að fjölmennasta Ratleik Hafnarfjarðar frá upphafi. Eru þá aðeins taldir þeir sem fundu a.m.k. 9 merki og skiluðu úrlausnarblaði.

Þrautakóngur Ratleiks Hafnarfjarðar 2023 fékk forláta gönguskó frá Fjallakofanum í verðlaun.

Metþátttaka

Alls skiluðu 265 þátttakendur inn lausnum og 133 fundu öll 27 merkin og geta því kallað sig þrautakóng Aðeins í fyrra kláruðu fleiri allan leikinn í fyrra en þá kláruðu 6 fleiri allan leikinn. Heildarþátttakan í sumar var því um 14% meiri en í fyrra sem líka var metár.

69 fóru á a.m.k. 18 staði sem er 77% fjölgun frá í fyrra og geta þeir kallað sig göngugarp.

63 fóru á a.m.k. 9 staði sem er fjölgun frá í fyrra og geta þeir kallað sig léttfeta.

Sýnd var þróun þátttöku frá 2010 til 2023.

Kort og fróðleikur

Prentað var vandað loftmyndakort þar sem götur og gönguslóðar eru merktar inn á og staðsetning ratleiksmerkjanna. Þátttakendur hafa svo það verkefni að finna bestu leiðina að merkjunum og stundum þarf nokkrar tilraunir til að finna merkin. Kortin lágu frammi víða í bænum en lang flest kortin voru sótt í Fjarðarkaup.

140 mættu á uppskeruhátíðina

Alls mættu um 140 þátttakendur á uppskeruhátíð Ratleiks Hafnarfjarðar, sem haldin var í í Hafnarborg í gær. Á síðasta ári var metþátttaka og yfirfylltist Apótek Hafnarborgar svo nú farið í aðalsal Hafnarborgar, svo mikil var þátttakan.

Þar var farið yfir leikinn, myndir sýndar og verðlaun veitt. Var mikil ánægja með leikinn í ár sem endurspeglaðist í metþátttöku.

Um sjö þúsund sinnum komið að ratleiksstað í sumar!

Brynja Sif Gunnarsdóttir kláraði allan leikinn og fékk 3. verðlaun þrautakóngs.

Þátttakendur í Ratleikum eru af öllum aldri og er þetta vinsæll fjölskylduleikur. Fólk kemur víða að og mátti sjá þátttakendur frá Selfossi, Vogum, Mosfellsbæ, Reykjavík, Seltjarnarnesi, Garðabæ og Kópavogi og þó langflestir komi frá Hafnarfirði þá mátti líka sjá þátttakendur frá Noregi og Danmörku.

Markmið leiksins er að hvetja fólk til að njóta upplands Hafnarfjarðar en leikurinn er gefinn út af Hönnunarhúsinu í samstarfi við Hafnarfjarðarbæ. Árangurinn er svo sannarlega góður því áætla má að um sjö þúsund sinnum hafi verið komið á ratleiksstaði í sumar og er það jafnvel vanmetið því svo margir skila ekki inn úrlausnum.

Ratleikskortið 2023 – Stjörnurnar tákna ratleiksstaðina.

Fjölmargir styrktaraðilar

Það er Hönnunarhúsið ehf. sem gefur út leikinn en Rio Tinto á Íslandi er aðalstyrktaraðili leiksins auk Hafnarfjarðarbæjar sem er samstarfsaðili um útgáfu leiksins.

Ómar Smári Ármannsson, sem heldur úti fróðleiksvefnum ferlir.is hefur veitt gríðarlega aðstoð við gerð leiksins en hann er meðal fróðustu manna um Reykjanesið.

Guðbjörg Vala Sigurbjörnsdóttir fékk glæsilegan útdráttarvinning, 10 þús. kr. gjafapoka frá Gormur.is

Fjölmörg önnur fyrirtæki styrkja leikinn m.a. með því að gefa vinninga.

Fjallakofinn gaf aðalvinninginn í ár, Scarpa gönguskó fyrir verðlaunahafa Þrautakóngs.

M Design í Firði gafa aðalvinninga í flokki Göngugarps og Léttfeta og Fjallakofinn bætti þar við höfuðljósi til Léttfetans og göngustöfum til Göngufarpsins.

Að auki fengu tveir í hverjum flokki viðurkenningu, einn í hverjum flokki fékk sundkort frá Sundlaugum Hafnarfjarðar, og hinir fengu Gjafakort frá Fjarðarkaupum, máltíð fyrir tvo á Von mathús og gjafabréf frá Altis.

Tómas Hnát Jónsson fékk glæsilegan útdráttarvinning, göngustafi frá Músik og Sport.

Þá voru veitt samtals 31 útdráttarverðlaun en þau voru gefin af Sundlaugum Hafnarfjarðar, Altis, Von, Burger-inn, Píluklúbbnum, Ban kúnn, Tilverunni, Rif, Krydd, Músik og sport, Gróðrarstöðinni Þöll, Snjóís, Fjallakofanum og Gormur.is Þá styrktu Landsnet, HS-veitur og H-berg leikinn.