Lögreglan var kölluð til í lund í Höfðaskógi, skammt ofan við víkina NA við Hvaleyrarvatn aðfararnótt sl. þriðjudags.
![](https://www.fjardarfrettir.is/wp-content/uploads/2021/05/Hvaleyrarvatn-tjoldun-sodaskapur-08-1024x495.jpg)
Höfðu ungmenni komið sér þar fyrir með tjald og var nokkur ölvun á staðnum. Lögreglan mun hafa kannað hvort þau væru með eld og þegar svo var ekki, var lítið annað aðhafst.
![](https://www.fjardarfrettir.is/wp-content/uploads/2021/05/Hvaleyrarvatn-tjoldun-sodaskapur-03-1024x587.jpg)
Um morguninn blasti ljót sjón við augum starfsmanns Skógræktarfélagsins, tjaldið var þar enn, glerbrot á stóru svæði og drasl um allt. Þá mátti sjá sígarettustubba á svæðinu en öll meðferð elds er bönnuð á svæðinu vegna eldhættu.
![](https://www.fjardarfrettir.is/wp-content/uploads/2021/05/Hvaleyrarvatn-tjoldun-sodaskapur-11-1024x358.jpg)
Var búið að hreinsa upp mesta draslið þegar ljósmyndara Fjarðarfrétta bar að.