Það komu fram margar áhugaverðar tillögur þegar efnt var til samkeppni um skipulag Norðurbakkans. Nú eru liðin 12 ár síðan þær voru kynntar og upplýst um sigurvegara. Ekkert varð þó úr að vinningstillagan yrði nýtt og nýtt skipulag gert sem fólk þekkir í dag.
Mjög skiptar skoðanir voru um vinningstillöguna og þá sérstaklega um hvort það væri raunhæft að byggja blokkir á eyjum utan Norðurgarðsins. En því er ekki að neita að tillögurnar voru framúrstefnulegar og í mörgum hinna tillaganna komu fram skemmtilegar hugmyndir. Vart er hægt að segja að sátt hafi náðst um Norðurbakkann en þó ljóst að íbúarnir á Norðurbakkanum eru sáttir og ánægðir með sitt hlutskipti.
