Samkaup hefur ákveðið að opna tólf verslanir Nettó og fimmtán verslanir Kjörbúðarinnar eingöngu fyrir þá sem eldri eru, með undirliggjandi sjúkdóma eða viðkvæmir.
Þannig verður verslunin Nettó á Miðvangi sérstaklega opin fyrir þennan hóp
Opið kl. 9-10 virka daga eingöngu fyrir þennan hóp
Verslanirnar, sem eru um land allt, verða opnar frá klukkan 9-10 alla virka daga fyrir þessa tilteknu hópa, frá og með þriðjudeginum 17. mars og á meðan samgöngubann er í gildi. Þetta er gert til að koma til móts við þá hópa sem eru í mestri hættu út af kórónaveikinni, COVID-19.
Í verslununum verða viðhafðar ítarlegar verklagsreglur. Allir snertifletir verða sótthreisnaðir og starfsmenn með grímur og einnota hanska við afgreiðslu. Viðskiptavinir eru jafnframt beðnir um að fylgja fyrirmælum sóttvarnalæknis og halda tveggja metra fjarlægð sín á milli. Mælst er til þess að fólk noti snertilausar greiðslur og noti ekki peninga.
