Nettó hefur gert samstarfssamning við Handknattleiksdeild Hauka.
Með undirritun samningsins mun Nettó styðja við það öfluga starf sem handknattleiksdeildin heldur úti. Nettó hefur undanfarin ár lagt ríka áherslu á styrkveitingar sem styðja við og hvetja börn og unglinga til íþróttaiðkunar. Meðal þess sem samningurinn kveður á um er Nettó-mót hjá yngri flokkunum, sem hafa slegið rækilega í gegn um allt land eins og segir í fréttatilkynningu frá Samkaupum sem reka Nettó verslanirnar
„Við hjá Haukum viljum bjóða Nettó velkomna í hverfið næsta haust. Samkaup hafa sýnt mikla samfélagslega ábyrgð og verið í góðu samstarfi við íþróttafélögin í kringum verslanir sínar. Við hlökkum til samstarfsins við Samkaup og vonumst eftir að það verði árangursríkt,” segir Aron Kristjánsson, framkvæmdastjóri íþrótta-og markaðsmála handknattleiksdeildarinnar.
„Við erum ákaflega ánægð með undirritun þessa samnings. Haukar eru virkilega flott félag sem stendur sig vel þegar kemur að barna- og unglingastarfi og við finnum að það er mikill hugur í því öfluga fólki sem að baki starfinu stendur. Við erum öll virkilega spennt fyrir komandi tímum og hlökkum til leggja Haukum lið,” segir segir Ingibjörg Ásta Halldórsdóttir, markaðsstjóri Samkaupa í tilkynningunni.
Þar segir jafnframt að Nettó hafi um árabil verið leiðandi í samfélagslegri ábyrgð og stutt vel við margþætt íþrótta og æskulýðsstarf á landsvísu. Samkaup reka yfir 60 verslanir víðsvegar um landið og því er lögð áhersla á að koma til móts við nærsamfélagið á hverjum stað með fjölbreyttum hætti.
