Hildur Björg Vilhjálmsdóttir hefur sent frá sér tilkynningu um að hún gefi kost á sér í að skipa 2. sæti á framboðslista Pírata í Hafnarfirði en prófkjör flokksins hefst 5. mars nk.
„Ég er náms- og starfsráðgjafi og starfa við Stapaskóla í Reykjanesbæ. Ég bý með Ívari Atla Sigurjónssyni byggingariðnfræðingi og eigum við tvö börn.
Ég lauk MA gráðu í náms- og starfsráðgjöf við Háskóla Íslands og BA gráðu í heimspeki, hagfræði og stjórnmálafræði frá Háskólanum á Bifröst.
Ég hef gegnt trúnaðarstörfum fyrir Pírata í Hafnarfirði og Pírata í suðvesturkjördæmi. En í starfi mínu með Pírötum hef ég lagt mikla áherslu á grunnstefnu Pírata, borgararéttindi, samráð við íbúa, notendavæna þjónustu, jafnrétti, gegnsæi og heiðarleika og mun beita mér fyrir öflugri velferðar og fræðsluþjónustu í Hafnarfirði.“
