Bæjarfulltrúar Bjartrar framtíðar og Sjálfstæðisflokks í bæjarstjórn Hafnarfjarðar munu á miðvikudag leggja til við bæjarstjórn að samþykkt verði að afturkalla tímabundna frestun á 44,3% hækkun á launum kjörinna fulltrúa í Hafnarfirði.
Þessi hækkun kom til vegna þess að þann 6. október sl. samþykkti bæjarráð formlega nýjar viðmiðunarreglum um laun kjörinna fulltrúa Hafnarfjarðarbæjar. Í stað þess að bæjarstjórn ákvæði sjálf viðmiðunarfjárhæðina var samþykkt að miða við hlutfall af þingfararkaupi. Þessi samþykkt átti ekki að breyta launum kjörinna fulltrúa og voru hlutföll nákvæmlega út reiknuð til þess að engar breytingar urðu.
Á kjördag samþykkti hins vegar kjararáð að hækka þingfararkaup um 44,3% og við hækkuðu laun kjörinna fulltrúa hjá Hafnarfjarðarbæ um sama hlutfall.
Gríðarleg mótmæli urðu við þessari ákvörðun kjararáð sem átti sér ekkert fordæmi og gagnrýnt var að þetta hefði áhrif á laun bæjarfulltrúa í Hafnarfirði. Frestaði bæjarstjórn þá gildistöku hækunarinnar en meirihlut bæjarfulltrúa leggur nú til að hún taki að fullu gildi.
Eins og áður hefur komið fram þýðir þetta að bæði Guðlaug Kristjánsdóttir forseti bæjarstjórnar og oddviti Bjartrar framtíðar og Rósa Guðbjartsdóttir formaður bæjarráðs og oddviti Sjálfstæðisflokksins verða báðar með yfir 700 þúsund kr. fyrir störf sín fyrir Hafnarfjarðarbæ á mánuði.
Fulltrúar Bjartrar frmtíðar og Sjálfstæðisflokka vísar að öðru leyti til starfshóps um starfsumhverfi og kjör bæjarfulltrúa til að vinna áfram og leggja fram tillögur í þeim efnum.
