Veðurstofan hefur gefið út rauða veðurviðvörun fyrir höfuðborgarsvæðið, Faxaflóa og Suðurland en það er hæsta viðvörunarstig sem Veðurstofan gefur út.
Búist er við suðaustan hvassviðri eða stormi, 15-25 m/s frá kl. 16-19. Innan tímabilsins má gera ráð fyrir rigningu eða snjókomu. Snjórinn getur valdið erfiðri færð á götum. Rigning og leysing getur valdið vatnselg og því þarf að reyna að tryggja að vatn komist í fráveitukerfi til að forðast vatnstjón. Líkur á afmörkuðum samgöngutruflunum.
Kl. 10-22:30 er búist við suðaustan stormi eða roki, 20-30 m/s. Innan tímabilsins má gera ráð fyrir talsverðri rigningu eða snjókomu og útlit er fyrir truflunum á samgöngum. Líkur eru á foktjóni og er fólki ráðlagt að ganga frá lausum munum. Verktökum er bent á að ganga vel frá framkvæmdasvæðum.
