Íbúi í félagslegri íbúð á vegum Hafnarfjarðarbæjar að Sólvangsvegi 64 sat á göngugrindinni sinn eins og illa gerður hlutur úti á túni í dag á meðan íbúðin hans var tæmd og hreinsa átti hana af veggjatítlum.
Búið var að útvega honum gám á lóðinni til að dvelja í en ekkert rúm var komið þangað og hann reyndar alls laus af því allt hans dót, föt og fleira var hreinsað út úr íbúðinni hans.
Ekki var hiti á ofnum og ljós virkuðu ekki og ekki einu sinni salernispappír.
Nágranni hans kom með ofn til að lána honum og nágrannakona hafði samband við Hafnarfjarðarbæ en sagði litla hjálp hafi verið að fá þar þó vitað hafi verið af málinu.
Nágrannarnir undruðust afskiptaleysi Hafnarfjarðarbæjar en íbúðin er á vegum húsnæðisskrifstofu Hafnarfjarðarbæjar.
Ein sagðist vera orðlaus yfir því að farið væri svona með fólk. Hún skildi ekki af hverju hann var ekki settur á hótel eða aðra íbúð, á hann að bíða úti? Fram kom að sonur hans var fyrst látinn vita í morgun. Ætlaði hann að koma síðar í dag. Ekkert rúm var í gámnum og hélt íbúinn að hann þyrfti að kaupa sjálfur rúm.
