SH-ingar Bikarmeistarar í sundi 2017

Bikarkeppni SSÍ fór fram sl. föstudag og laugardag. Mótið var haldið í Vatnaveröld í Reykjanesbæ og var því skipt niður í þrjá hluta. Fyrsti hlutinn fór fram á föstudegi, annar hluti fór fram fyrri part laugardags og þriðji hluti fór fram seinni parts laugardag.

Sundfélag Hafnarfjarðar sendi fjögur lið til keppni, eitt í 1. deild karla, eitt í 1. deild kvenna, eitt í 2. deild karla og eitt í 2. deild kvenna. Þrjú lið frá SH unnu sína deild og voru alltaf í fyrsta sæti eftir hvern hluta fyrir sig. Þessi þrjú lið voru í 1. deild karla, 1. deild kvenna og 2. deild karla. SH varð semsagt bikarmeistari í 1. deild karla og 1. deild kvenna ásamt því að vinna 2. deild karla. 

Hér er hægt að sjá nákvæmari úrslit mótsins.