Það var ljót aðkoman að kamarhúsi við bílastæðið við NA-enda Hvaleyrarvatns í morgun.
Einhverjir hafa gert að leik sínum að kveikja í vönduðu kamarhúsi sem stóð þar til að þjónusta bæjarbúa sem þangað koma.
Ekkert var eftir nema gámagrindin sem húsið stóð á en það er allt úr plasti. Plasttauma má sjá í átt að vatninu en það sem fólk hafði skilið eftir í kömrunum hefur flætt út.
![](https://www.fjardarfrettir.is/wp-content/uploads/2020/06/Kamarhús-bruni-2-1024x645.jpg)
Þeir sem geta gefið vísbendingar um þá sem voru valdir að brunanum eru hvattir til að hafa samband við lögreglu.