Opinn samráðsfundur mennta- og barnamálaráðherra um framtíðarskipulag skólaþjónustu á Íslandi verður haldinn í dag, mánudag kl. 10–16 í Silfurbergi í Hörpu.
Fundurinn markar þann síðasta í opna samráðsferlinu og er nýtt skipulag skólaþjónustu að taka á sig mynd.
Markmið fundarins er að fá endurgjöf sem flestra aðila úr skólakerfinu og annarra áhugasamra til að móta heppilegustu útfærsluna. Niðurstöðurnar verða nýttar við gerð frumvarps til laga um heildstæða skólaþjónustu á Íslandi sem stefnt er að því að birta í samráðsgátt í haust.
Yfir fjögur hundruð hafa skráð sig á samráðsfundinn.
Á fundinum verða m.a. kynntar niðurstöður þjóðfundar um framtíð skólaþjónustu og þjóðfunda í héraði sem haldnir voru í mars sl.
