Sumri var fagnað í dag í ágætis veðri í Hafnarfirði. Fjölmennt var í miðbænum þar sem Víðavangshlaup Hafnarfjarðar fór fram en frjálsíþróttadeild FH sá um framkvæmdina og bauð upp á ýmsa skemmtilegar þrautir fyrir börnin; tímatöku í spretthlaupi, langstökk, kúluvarp og fleira en síðan tók við keppni í hlaupi. Þau yngstu hlupu eftir Strandgötunni en þau elstu hlupu um 800 m leið eftir Austurgötu og Strandgötu. Umfram allt var þetta skemmtihlaup en auðvitað var keppnisskapið með og hart barist.
Sjá má úrslitin hér neðst.
Skrúðganga og skemmtun á Víðistaðatúni
Að hlaupi loknu tók við skrúðganga Skátafélagsins Hraunbúa að Víðistaðatúni en að baki fánaborginni kom Lúðrasveit Hafnarfjarðar og svo löng röð af fólki sem stefndi í góða skemmtun á Víðistaðatúni.
Þar var margt í boði, heimatilbúnar þrautir skátanna, stærsta hengirúm landsins, hoppukastalar og unglingahljómsveit spilaði en þrír ungir skátar eru þar meðal félaga. Hægt var að baka sykurpúða, fara í kassaklifur, klifra í klifurvegg og kaupa heitt kakó og vöfflur svo eitthvað sé nefnt. Virtust allir skemmt sér vel enda veðri með besta móti og sólin skein inn á milli.
Ýmislegt fleira var í boði á sumardeginum fyrsta sem ekki náðust myndir af.
Úrslit í Víðavangshlaupi Hafnarfjarðar
6 ára og yngri
- Jökull Nói Ingvarsson
- Lísa María Andradóttir
7-8 ára
- Sigin Mjöll Björnsdóttir
- Styrmir Sævarsson
9-10 ára
- Aldís Von Árnadóttir og Lilja Björk Tómasdóttir
- Yusif Þór Hasan Bona
11-12 ára
- Auður A. Jónsdóttir
- Alexander Óli Magnússon
13-14 ára
- Bryndís María Jónsdóttir
- Sindri Dan Vignisson
Myndasýning
