Helgadalur ofan við Kaldársel var lengi vinsæll staður fyrir skátamót. Strax árið 1938 héldu Hraunbúar Vormót sitt þar en fyrsta Vormótið var haldið í Kaldárseli árið áður.
Kaldársel var reyndar vinsæll útilegustaðir og komu skátar t.d. úr Reykjavík oft þangað, ekki síst skátar sr. Friðriks Friðrikssonar í Væringjum.
Síðasta Vormót Hraunbúa var haldið í Helgadal árið 1963. Var svæðið þá skilgreint sem vatnsverndarsvæði og síðar lokað af.
Göngufólk gengur gjarnan eftir hluta Helgadals á leið í Valaból. Þegar komið er niður í dalinn þar sem vatnsverndargirðingunni sleppir má sjá inn í dalinn til hægri.
Á mynd dagsins sem Gunnar Bjarnason tók sennilega 1947 má sjá Ólaf K. Guðmundsson, síðar lögreglumann og skáta úr Keflavík, og Diddu á Vormóti Hraunbúa í Helgadal.
