Umhverfis- og framkvæmdaráð samþykkti á fundi sínum í síðustu viku legu göngu- og hjólastígs að Kaldárbotnum, sem er framhald af stíg sem lagður hefur verið að Hvaleyrarvatnsvegi.
Stígurinn verður með aðgreiningu umferðar gangandi, hjólandi og hesta á kafla þar sem stígurinn liggur meðfram reiðleið sem, án þess að gefið hafi verið upp í fundargerð, líkega er hluti gamla Kaldárselsvegar sem lokaður hefur verið fyrir bílaumferð.
Mikill vilji hefur verið fyrir svona stíg að Kaldárbotnum enda fjölgar sífellt fólki sem vill komast í upplandið við Helgafellið.
Stígurinn sem þegar er kominn er þó nokkuð umdeildur og sérstaklega vegna þess hversu hæðóttur hann er og hjólandi hafa sumir kosti að fara Kaldárselsveginn í staðinn. Þá er hann malbikaður og enginn malarslóði meðfram honum og getur hann orðið mjög háll og hræðast menn sérstaklega svörtu ísinguna, þegar rakt loft frýs á malbikinu án þess að ísinn verði hvítur.
Sífellt fleiri hlauparar og skokkarar nýta sér að fara í upplandið einmitt til að forðast malbikið.
Eflaust hafa gagnrýnisraddir um hæðóttan eldri hlutann verið teknar til skoðunar við ákvörðun á legu framhaldsstígsins en sú leið hefur ekki verið kynnt almenningi né óskað eftir álit almennings á legu hans.
