Fulltrúi Félags íslenskra bifreiðaeigenda veitti í dag Setbergsskóla viðurkenningu félagsins fyrir öruggar gönguleiðir í skólans.
Tilgangur viðurkenningarinnar sem kallast Gangbrautin 2017 er að vekja athygli á því sem er vel gert í gangbrautarmálum og að brýna fyrir skólabörnum að nota öruggar gönguleiðir í skólann.
Víða hefur mikið vantað upp á að gangbrautir séu merktar skv. reglum, ekki síst í Hafnarfirði en eftir ábendingar, m.a. í þessu blaði hafa merkingar víða verið bættar.
Við afhendinguna sýndi Runólfur Ólafsson, framkvæmdastjóri FÍB, kynnti átak félagsins, Gangbraut – Já takk, sem miðar að því að tryggja öryggi gangandi vegfarenda og sýndi yngstu nemendum Setbergsskóla myndir úr átakinu.
Afhenti hann Maríu Pálmadóttur, skólastjóra Setbergsskóla og tveimur fulltrúum nemenda skjöld sem er viðurkenning félagsins til Setbergsskóla fyrir öruggar gönguleiðir í skólann.
Þetta er í annað sinn sem þessi viðurkenning er veitt en félagið veitti Hólabrekkuskóla verðlaunin árið 2014.
